Bir neçə gün öncə türkiyəli məşhur müğənni Dəniz Sekinin “Kaddeh Baku”nun rəhbərinin Bakıda ona “Ferrari” avtomobili bağışlaması və bununla bağlı foto paylaşması böyük rezonansa səbəb olmuşdu.

Məsələ ilə “Kaddeh Baku”dan Kult.az-a verilən açıqlamada məlumat təkzib olunub.

Bildirilib ki, restoranın şəriklərindən biri olan Ərtürk soyadlı məşhur türkiyəli iş adamı Dəniz Seki ilə yaxın dost və qonşudur:

“Dəniz Seki sadəcə zarafatla iş adamının “Ferrari”si ilə olan şəklini özünün İnstaqram səhifəsində bu sözlərlə paylaşıb”.