Kinoşünas Aygün Aslanlının Fuad Poladova həsr etdiyi “Skafandrlı adam” adlı kitabı nəşr olunub.

Kult.az xəbər verir ki, bu barədə Fuad Poladovun oğlu Ağarəhim Poladov məlumat yayıb.

Kitabın təqdimatı mayın 29-u saat 16:00-da “Libraff” kitab mağazasının Elmlər Akademiyası filialında baş tutacaq.

A.Poladov kitab haqqında düşüncələrini də paylaşıb:

“Fikirimcə, buradakı yanaşma, tərz, üslub olduqca qeyri-adi və emosionaldır. Kitabda siz Fuad Poladovun tanımadığınız tərəflərini oxuyacaqsız”.

A.Poladov bildirib ki, satışdan əldə olunan gəlir xeyriyyə məqsədi ilə xərclənəcək.

Kitab “Parlaq İmzalar” nəşriyyatı tərəfindən dərc olunub, üz qabığının müəllifi isə Rəsul Həsənə aiddir.

Xatırladaq ki, bu gün mərhum aktyor Fuad Poladovun anadan olmasından 74 il ötür.