Yuxarı

Xalq yazıçısı Kamal Abdulla gənclərlə görüşdü – Foto

Ana səhifə Kult
12 Punto 14 Punto 16 Punto 18 Punto

Azərbaycan Respublikasının Gənclər Fondunun dəstəyi və Gənclər Təşkilatları Milli Şurasının (NAYORA) “Gənclər təşkilatlarının fəaliyyətlərinin dəstəklənməsi" proqramı çərçivəsində xalq yazıçısı, Azərbaycan Dillər Universitetinin rektoru, akademik Kamal Abdulla ilə görüş keçirilib.

Kult.az xəbər verir ki, görüş Dünya Gənc Türk Yazarlar İctimai Birliyi tərəfindən “Əbədi sevgi - Vətən" layihəsi əsasında baş tutub.

Xalq yazıçısı Kamal Abdulla elmi və ədəbi yaradıcılığı, sevdiyi yazıçılar, mütaliə, “Kitabi-Dədə Qorqud” dastanı haqqında gənclərin suallarını cavablandırıb, mədəniyyətşünaslıq, mifologiya və mifolinqvistika haqqında fikirlərini bölüşüb. Eyni zamanda gənclər Azərbaycan Dillər Universitetinin və Azərbaycan Yaradıcılıq Fondunun uğurlu layihəsi olan Yaradıcılıq fakültəsi, fondun həyata keçirdiyi digər işlər haqqında məlumatlandırılıb.

Görüşdə Bakı Beynəlxalq Multikulturalizm Mərkəzinin (BBMM) təşkilatçılığı və Azərbaycan Respublikası Prezidentinin İşlər İdarəsinin Prezident Kitabxanasının, Azərbaycan Respublikası Ekologiya və Təbii Sərvətlər Nazirliyinin, Azərbaycan Dillər Universitetinin tarixçi alimləri, tarixi toponimlər, dilçilik və xəritəçəkmə üzrə təcrübəli mütəxəssislərinin cəlb olunması ilə nəşr olunan “Həqiqətin onomastikası” kitabı haqqında məlumat verilib. Qeyd olunub ki, gərgin tədqiqat işlərinin bəhrəsi olan bu kitab erməni vandalizminin və erməni saxtakarlığının ən bariz nümunələrindən birinə – tarixi Azərbaycan torpaqlarında, indiki Ermənistan Respublikası ərazisində əsrlər boyu yaşamış azərbaycanlıların izlərinin silinməsi üçün bizə məxsus 1600-ə yaxın toponim, hidronim, oronimlərin kütləvi şəkildə dəyişdirilməsi və saxtalaşdırılması, bir çox yaşayış məntəqələrinin isə məqsədli şəkildə yer üzündən tamamilə silinməsi faktlarına həsr olunub.

Yazıçı eyni zamanda 2020-ci ildə Türkiyədə çap olunan “Mifologiya elçisi Kamal Abdulla ərməğanı” kitabını gənclərə hədiyyə edib.

Qeyd edək ki, görüşün məqsədi gənclər arasında vətənpərvərlik hislərinin təbliği istiqamətində iş aparmaq, həmçinin yazarların vətənpərvərliklə bağlı qələmə aldıqları ədəbi nümunələri çap etməklə yanaşı, onların təbliğini geniş oxucu kütləsi arasında həyata keçirməkdən ibarətdir.

Tarix
2022.05.25 / 13:20
Müəllif
Kult.az
Şərhlər
Digər xəbərlər

Cənubi Qafqazda “bir dövlət” silinə bilər - Tarasov

Qərb İrəvanda buna imkan verməyəcək – Ekspert

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

Bu gün İlaxır çərşənbə qeyd olunur

Hikmət Hacıyev Çin rəsmiləri ilə görüşdü

Azərbaycan-İraq əlaqələri müzakirə olundu

Əliyev niyə Putinə təbrik zəngi etdi? – “Unudanların” diqqətinə

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla