Azərbaycan Dövlət Musiqili Teatrında SSRİ xalq artisti, məşhur bəstəkar Rauf Hacıyevin "Qafqazlı qardaşqızı" operettasının premyerası olub.

Teatrın mətbuat xidmətindən Axar.az-a verilən məlumata görə, premyera böyük anşlaqla keçib. Peşəkar aktyor oyunu, rejissor yozumu tamaşaçıların marağına səbəb olub. Tamaşadan sonra böyük bəstəkar Rauf Hacıyevin oğlu, hazırda Türkiyədə yaşayan rejissor, əməkdar incəsənət xadimi Fuad Hacıyev telefonla Musiqili Teatrın kollektivinə öz minnətdarlığını bildirib, "Qafqazlı qardaşqızı" operettasına yeni səhnə həyatının verilməsində əməyi olan hər kəsə təşəkkür edib.

Qeyd edək ki, maraqla gözlənilən tamaşanın quruluşçu-rejissoru əməkdar incəsənət xadimi Əli Usubov, quruluşçu-rəssamı Moskvadan dəvət olunmuş məşhur rəssam Dmitri Çerbadjidir.