Yuxarı

Bakıdan xüsusi reportaj: "Çort poberi" - Video

Ana səhifə Kult
12 Punto 14 Punto 16 Punto 18 Punto

Xəzər dənizi boyunca gəzinti, hündür və yaraşıqlı binalar, Özbəkistanda rast gəlinməyən qeyri-adi muzeylər və ləzzətli köftələr.

Kult.az xəbər verir ki, Özbəkistanın Qalampir.uz saytının səyahət məkanı Azərbaycanın gözəl şəhəri Bakıdır.

Bakı Azərbaycan Respublikasının paytaxtı və Qafqazın mühüm iqtisadi, elmi və texniki mərkəzdir. O, həm də Xəzər dənizində böyük liman şəhəridir. Bakı şəhərinin adı fars dilindən götürülüb, mənası “küləyin əsməsi” deməkdir.

Xəzər dənizinin sahilində yerləşən şəhər bütöv tarixi binaları və müasir tikililəri ilə diqqət çəkir.

Siz "çort poberi" sözü ilə tanışsınız? Bu sözü deyən kimi çoxlarının ağlına Leonid Qaydayın çəkdiyi məşhur “Brilliant əl” filmi gəlir. Filmin bu səhnəsi Bakının qədim və müasir mərkəzi olan İçərişəhərdə çəkilib.

1968-ci ildə çəkilmiş filmdə Bakının içərisində yerləşən tərk edilmiş otaqdan aptek kimi istifadə olunub. Filmin qəhrəmanı küçədə gəzir, yıxılır və “çort poberi” sözünü deyir. Çox güman ki, bu söz film vasitəsilə dildən-dilə yayılıb və xüsusən də postsovet ölkələrində məşhurlaşıb. Bu filmin çəkildiyi yerə baxmaq üçün Bakıya çox adam gəlir. Yəni film Bakını məşhur edir, Bakı isə filmi məşhurlaşdırır.

Əvvəllər filmin çəkiliş meydançasında aptek olan otaq indi turistlər üçün əl istehsalı suvenirlər satılan mağazaya çevrilib. Bakıya gedirsinizsə, bu mağazadan sevdiklərinizə hədiyyələr ala bilərsiniz.

Otağın yanında "Brilliantovaya ruka" kafesi var. Filmin baş qəhrəmanlarının heykəlləri də bu kafedə quraşdırılıb. Menyuda siz filmdə istifadə olunan ən məşhur sözlərdən ibarət yeməkləri görəcəksiniz. Məsələn, salatlardan birinin adı "Çort poberi"dir.

Bakını gəzərkən köhnə şəhər küçələri sizi hündür, müasir binalarla bəzədilmiş möhtəşəm prospektlərə aparır. Dünyanın ən bahalı geyimləri, aksesuarlar satılan mağazalar, beynəlxalq restoran şəbəkələri, Almaniya, Fransa istehsalı olan avtomobil mağazaları, gecəsi 1000 ABŞ dollarını keçən otellər...

Xəzər dənizinin sahilində yerləşən Bakının rəmzi və simvolu sayılan Bulvar Meydanı turistlərin və gənclərin əsas məkanıdır.

Bulvar meydanı Bakının ən gözəl və hərəkətli küçələrindən biridir. Burada teatr və kinoteatrlardan tutmuş kitabxanalara, muzeylərə və mağazalara qədər hər şeyi tapa bilərsiniz. Yenidənqurmaya qədər bulvarın uzunluğu 16 kilometr idisə, tam yenidənqurmadan sonra 25 kilometrə çatdırılıb.

Əslində Bakı Dənizkənarı Bulvar Xəzər dənizi boyu uzanan sahil küçəsidir, lakin Bakının ən gözəl yerində istirahət guşəsidir desək daha düzgün olar. Su kənarındakı küçənin eni 30 metr olsa da, onun yanında gəzinti yerləri, kanallar, kafelər və digər müxtəlif müəssisələr var.

Bulvar meydanında qayıq dayanacağı var, burada istirahət edənlər qayıqlara minir və Bakı dənizkənarı bulvarda salınmış kanallar sistemi ilə səyahət edirlər. Kanallar boyunca Venesiya üslubunda tikilmiş evlər var və onlardan nəfis kiçik körpülər keçir. Bir sözlə, qayıqla Bakının gözəlliyinə şahid ola bilərsiniz.

Ətraflı xüsusi reportajda:

Tarix
2022.08.14 / 00:10
Müəllif
Kult.az
Şərhlər
Digər xəbərlər

İrəvandan anklavlarla bağlı açıqlama: Sərhəd boyu...

Güneylilər Cenevrədə aksiya keçirdi

Cənubi Qafqazda “bir dövlət” silinə bilər - Tarasov

Qərb İrəvanda buna imkan verməyəcək – Ekspert

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

Bu gün İlaxır çərşənbə qeyd olunur

Hikmət Hacıyev Çin rəsmiləri ilə görüşdü

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla