İranda Məhsa Əmininin əxlaq polisi tərəfindən qətlə yetirilməsindən sonra başlayan etiraz aksiyalarına Türkiyədən bir neçə sənətçinin də dəstək verməsi sosial şəbəkələrdə böyük kampaniyaya səbəb olub.

Kult.az xatırladır verir ki, bir sıra türkiyəli sənətçi səhnədə konsert verərkən, İrandakı etirazçılara dəstək olaraq saçlarını kəsiblər. Məsələn, müğənnilər Hande Yener, Mələk Mosso bu addımı atıb.

Bundan başqa, məşhur fransız aktrisası Julyet Binoş da saçını kəsərək, sosial şəbəkə hesabında paylaşıb.
İsveçli qadın deputat Abir əs-Səhlani isə Avropa Parlamentinin tribunasında saçını kəsib. Eyni zamanda, məşhur fransız model Karla Bruni də kampaniyaya qoşulub.

Məşhurların son bir həftədə atdıqları bu addımlar sosial şəbəkədə başlayan bu kampaniyanı daha da genişləndirib.

Hazırda xüsusilə İnstaqram sosial şəbəkəsində dünyanın müxtəlif yerlərindən fəal ictimai qadınlar kütləvi şəkildə saçlarını kəsməklə İranda Əmininin qətlinə etiraz və aksiyaçılara dəstək nümayiş etdirirlər.