"Qızıl Pəri" mükafatının nominasiyalarına nominantları müəyyənləşdirən Seçim Komissiyası noyabrın 1-də işini yekunlaşdırıb.

Axar.az xəbər verir ki, Seçim Komissiyasının fəaliyyətinin nəticələri, "Qızıl Pəri" mükafatının nominasiyalarının və nominantlarının siyahısı noyabrın 5-də www.audiovisual.az və www.azerbaijanfilm.az saytlarında yerləşdiriləcək.

15 nominasiya üzrə 185 ərizə forması və audiovizual əsər təqdim edilib. 30 nəfər peşəkardan ibarət və qalibləri müəyyənləşdirəcək münsiflər heyəti noyabrın 10-da fəaliyyətə başlayacaq. Qaliblərin elan olunması və mükafatların təqdimetmə mərasimi dünya kinosunun 120 illiyində - dekabrın 28-də keçiriləcək.

Xatırladaq ki, "Qızıl Pəri" mükafatı Professional Kinorejissorlar, Aktyorlar və Prodüserlər gildiyalarının dəstəyi ilə təsis edilib.