Türkiyənin sevilən müğənnisi Mahsun Qırmızıgülün fevralın 12-nə təyin edilən Bakı konserti qeyri-müəyyən müddətə təxirə salınıb.

Kult.az Qaynarinfo.az-a istinadən xəbər verir ki, buna səbəb Türkiyədə baş verən güclü zəlzələdir.

Məsələ ilə əlaqədar açıqlama verən müğənninin meneceri konsertin təxirə düşməsini təsdiqləyib:

"Bir saata kimi rəsmi məlumat yayılacaq. Türkiyədə zəlzələ olub, insanlar ölüb, yaralanıb, qəm içindəyik”.

Qeyd edək ki, müğənni Mahsun Qırmızıgül 17 ildən sonra Bakıda solo konsert proqramı ilə çıxış etməli idi. Bakı Konqres Mərkəzinə təyin olunan konsertin biletləri 55-550 manat aralığında satılırdı.