Nuriyyənin bacısı onun ürəyini partlatdı. Onu qapılarda qoydu, bacı bacını qapılarda qoymaz. Nuriyyə xanım bəlkə də hələ yaşayardı.

Axar.az xəbər verir ki, bu sözləri xalq artisti Nuriyyə Əhmədovanın rəfiqəsi, əməkdar artist Nahidə Orucova deyib.

Aktrisanın vəfatının 40-cı günündə "Modern.az"a danışan N.Orucova bildirib ki, bacı və qardaşlarının Nuriyəyə sahib çıxmamaları, onu qapılarda saxlamaları aktrisaya mənəvi zərbə vurub:

"Amma bacısının bu münasibəti, onu qapılarda qoyması Nuriyyənin ürəyini partlatdı. Nuriyyənin axırına belə şeylər çıxdı. Bu gün Nuriyyənin 40 mərasimidir.

Mən 40 gün susmuşam, amma istəyirəm ki, indi danışım. Nuriyyə xanım mənim evimdə qalırdı, ona sığınacaq vermişdim. Onun bacılarının, qardaşlarının etmədiklərini onun üçün etdim".

Əməkdar artist N.Əhmədovanın nəvəsinin ortalıqda qaldığını deyib. Qeyd edək ki, aktrisa mərhum qızının övladı Faiq İbadzadəni özü böyüdüb.