"Alatoran" filmindəki Bella Svan rolu ilə dünya şöhrəti qazanan amerikalı aktrisa Kristen Stüart fransız "Şanel" markasının qurucusu Koko Şanelin həyatından bəhs edən qısa filmdə baş rolu oynayıb.

Axar.az xəbər verir ki, o dövrün paltarlarını geyərək oynayan aktrisa Şanelin gənclik illərini canlandırıb. Məşhur stilistin orta yaş dövrlərini isə Çarli Çaplinin qızı Ceraldina Çaplin oynayıb.

"Bir dəfə və əbədi" (Once and Forever) adlı 11 dəqiqəlik qısa bioqrafiyanı "Şanel" markasının baş dizayneri Karl Laqerfeld çəkib. Filmin premyerası sabah Romada təşkil ediləcək "2015-2016 Metiers d’Art" kolleksiyasında baş tutacaq.