Dünən "Soyuq əllər, isti ürək" yarmarkasının açılışı keçirilib.

Axar.az xəbər verir ki, dekabrın 1-də "Nargis Fund"un təşkilatçılığı ilə "Soyuq əllər, isti ürək" xeyriyyə yarmarkasının açılışı baş tutub. Yarmarkanın açılışında konsert proqramı da təşkil olunub. Gecədə xalq artistləri Zülfiyyə Xanbabayeva, Fidan Hacıyeva, əməkdar artist Ədalət Şükürov və müğənni Çingiz Mustafayev çıxış edib.

Bu il 3-cü dəfə keçirilən xeyriyyə aksiyasında məşhur brendlərin satışından əldə edilən gəlir uşaq evlərinə veriləcək. Yarmarka 31 dekabra qədər davam edəcək.

Qeyd edək ki, tədbirin aparıcıları əməkdar artist Murad Dadaşov, Samirə Mustafayeva və Ceyhun Əli olub.