O vaxt indiki sevgilimdən ayrıldıqdan sonra Əmirlə tanış olmuşdum. Əmir öldürüldükdən sonra isə o mənə dəstək oldu. Məni axtarıb başsağlığı verdi, daha sonra növbəti dəfə yaxınlaşdıq.

Axar.az xəbər verir ki, bu sözləri Türkiyədə populyar "Mənim stilim" yarışmasının qalmaqallı iştirakçısı Nazlı Hamarat deyib.

O, həyat yoldaşı Cövdət Əmir Şaşmazın qətlindən 40 gün keçməmiş yarışmaya qatıldığı üçün qınaqlara tuş gəlmiş, ardınca yeni sevgilisinin olduğunu açıqlayaraq növbəti dəfə müzakirələrə səbəb olmuşdu.

Nazlı bildirib ki, ailələr tanış olduğu üçün köhnə sevgilisinə qayıtmaqda çətinlik çəkməyib: "Əmirlə bir-birimizi sevmişdik, amma son bir il ərzində haqqında elə şeylər eşitdim ki... Ölümündən sonra isə mənə çoxlu təhdidlər gəldi. Zəng vurub "almazlar haradadır" deyə soruşurlar. Bacısı İlknur da zəng vurub məni təhdid etdi".

Qeyd edək ki, iş adamı Ə.Şaşmaz Ukraynada öldürülüb. Onun zorlamaya görə qətlə yetirildiyi iddia edilir.