Ana səhifə Kult |
Siyavuş Aslanın rolunu mənə vermişdilər.
Axar.az xəbər verir ki, bu sözləri xalq artisti Cahangir Zeynalov "Sevilənlər" verilişində xalq artisti Siyavuş Aslan haqda xatirələrini danışarkən deyib. Aktyor Siyavuş Aslanın böyük sənətkar olduğunu bildirib:
"Siyavuş başqasının dərdini sakit səslə danışa bilmirdi. Hər şeyi ürəyinə salırdı. Çox fikir edirdi. O, mənə qarşı həmişə səmimi dost olub. Yadımdadır, mən Şəki teatrında çalışan vaxtı birdən məni Bakıya, "Oradan-buradan" tamaşasında oynamağa dəvət etdilər. Əslində, həmin rolda Siyavuş oynayacaqdı. Amma onun qəfildən xəstələnməsi nəticəsində məni çağırdılar. Onların 6 ay hazırlaşdığı rolu mən 8 günə hazırlaşıb oynadım. Sonra hamı Siyavuşun mənə qarşı reaksiyasını gözləyirdi. Amma o gəldi, məni qucaqladı, öpdü və "çox yaxşı oynamısan, bəlkə də elə sənin bu rolu canlandırmağın daha doğrudur" dedi. O, böyük sənətkar idi".
Tarix
2016.01.04 / 21:14
|
Müəllif
Dilarə Zamanova
|