Tanınmış Hollivud prodüseri və aktyoru Ceyms Trauksun Axar.az-a eksklüziv müsahibəsini təqdim edirik:

- Necə oldu ki, prodüserlik sahəsini seçdiniz?

- Kinematoqrafiya məktəbində təhsil alarkən hansı sahədə daha yaxşı olduğunu müəyyən edirsən və karyeranı o istiqamətdə götürürsən. Demək olar ki, məndə də hər şey belə baş verdi.

- Film prodüserliyi sahəsində uğur qazanmaq üçün nə etmək lazımdır?

- Bu sahədə həm xeyli diqqətli olmalı, həm də necə istehsal etməli olduğun haqda özünə çərçivələr qurmalısan.

- Ən çox arzuladığınız iş hansıdır?

- Ssenaristlik. Ssenari müəllifi olmaq həmişə diqqətimi cəlb edib və bu istiqamətdə özümü çox yoxlamışam.

- Məktəb, təhsil dövrü sizə həyat təcrübəsi qazandırıbmı?

- Düzü, insan ibtidai məktəb vaxtı heç bir dərs götürmür (gülür). Məncə, böyük prodüser və kinorejissorlar son siniflərdə özləri və yaradıcılıqları üçün nəsə mənimsəyir.

- Bu sahədə təhsil alan tələbələrə hansı tövsiyələriniz var?

- Təhsil aldığınız zaman sizə məhdud resurs və avadanlıqlarla tapşırılan layihələrdən daha böyükləri üzərində işləyin.

- Film istehsal etmək kənardan çətin görünür...

- Əlbəttə, bu sahə olduqca çətindir və böyük zəhmət tələb edir.

- Yaradıcılığınızdan danışaq bir az. Müəllifi olduğunuz məşhur filmlər var. Hansı filminizi daha çox bəyənirsiniz?

- "Xatirələr okeanı" filmimi daha çox xoşlayıram. Bu, dramatik qısametrajlı filmdir.