Bu alçaq Raifə görün nəyə əl atır. Pünhanəyə özü getdiyi yolları öyrədir. Nə qədər rəzil və inanılmaz yalandır!

Bu sözləri şairə Nəcibə İlkin Pünhanə Əliyevanın onu ittiham etməsi ilə bağlı rəsmi Feysbuk səhifəsində yazıb. O, təcili olaraq bir tədbir görəcəyini bildirib:

"Guya mən başqalarının şeirlərini götürüb, hədiyyə etmişəm! Heç zaman ağıla gəlməyən bir uydurmadır. Və şərəfsizliyin son nöqtəsidir. Necə oldu ki, indiyədək bu işi etmədim? Yalnız yalançı və hamını aldadan bu qız haqda iş gördüm?

Pünhanə işlədiyimin haqqını mənə veribmi ki?! Belə parazitlər haqqında təcili tədbir görülməlidir. Onun gətirdiyi bütün yazılar məndə durur. Narahat olmayın. Təcili mətbuat konfransı keçirib, bunları susdurmaq lazımdır".

Xatırladaq ki, Pünhanə Əliyeva Məmməd Araz və Nüsrət Kəsəmənliyə aid şeirləri öz adına çıxaraq kitabına yerləşdirib. O, Axar.az-a açıqlamasında Nüsrət Kəsəmənli və Məmməd Araza aid olan şeirlərin məhz Nəcibə İlkin tərəfindən kitaba daxil edildiyini bildirib.