Əfsanəvi türk sənətçisi Cem Qaracanın heç yerdə yayımlanmayan mahnıları dinləyicilərə təqdim olunacaq.

Axar.az xəbər verir ki, 2004-cü ildə vəfat edən Cem Qaracanın musiqilərini, notlarını saxlayan İzzət Öz 43 ildən sonra bu əsərləri ictimaiyyətə təqdim edəcək.

Cem Qaracadan qalan notların, mahnıların onun anım günündə yayımlanacağını bildirən İzzət Öz 43 il əvvəlki ifalarını eşidəndə çox duyğulandığını bildirib:

"O vaxtlar 20-25 yaşımız var idi. Mahnıları yazdıq, götürüb xatirə kimi saxladım. Cemin öz xətti ilə yazdığı notlar da burada var. İllər əvvəl – Cem Qaraca sağ ikən ona verəcəkdim ki, qulaq assın, amma olmadı. Düz 43 ildən sonra bu əsərləri onun sevənlərinə təqdim edəcəyik".