Yazıçı Qurban Səidin "Əli və Nino" romanı əsasında çəkilmiş eyniadlı filmdən ilk görüntülər yayılıb.

Axar.az xəbər verir ki, görüntülər ekran işinin "Sundance" beynəlxalq film festivalındakı təqdimatı ilə bağlı hazırlanan videoda yer alıb. "Əli və Nino" ilk dəfə sözügedən film festivalında nümayiş olunub. Ekran işinin Bakıda da təqdimatı gözlənilir.

Qeyd edək ki, filmin icraçı prodüseri Leyla Əliyeva, prodüseri Kris Tikyer, rejissoru BAFTA mükafatı sahibi Asif Kapadia, ssenari müəllifi isə "Akademi Avard" mükafatı laureatı Kristofer Hemptondur.

Filmdə Adam Bakri, Mariya Valverde, Halit Ərgənc, Mendi Petinkin, Konni Nilson, Rikkardo Samariko, Humayon Erşardi, xalq artisti Fəxrəddin Manafov, Əsad Bub, Numan Akar və digər məşhur aktyorlar çəkiliblər.