Almaniyanın paytaxtı Berlindəki Neues muzeyində saxlanılan kraliça Nefertitinin 3 min 361 illik büstünün surəti yaradılıb.

Axar.az xəbər verir ki, iki sənətçi muzeyin təhlükəsizlik qüvvələrinin bir anlıq diqqətsizliyindən yararlanaraq tarixi büstü gözdən keçirməyi və 3D printerin köməyi ilə surətini yaratmağı bacarıb.

İraq əsilli alman sənətçi Nora Badri və alman həmkarı Jan Nikola Nelles bu işi intiqam almaq məqsədi ilə etdiklərini bildiriblər. Onlar büstün sürətini Misir muzeyinə verəcəklərini deyiblər.

Sənətçilər 1912-ci ildə büstü kəşf edib ölkələrinə gətirən və Misirlə Almaniya arasında sonu olmayan mübahisə başladan alman arxeoloqların səhvini düzəltmək istədiklərini deyiblər.