2011-ci ildə vəfat edən əfsanə musiqiçi Emi Uaynhausun həyatından bəhs edən "Emi" sənədli filminin Oskardan mükafatla qayıtması belə sənətçinin atasını xoşbəxt etməyib.

Axar.az xəbər verir ki, Eminin atası Miç Uaynhaus sənədli filmin rejissoru Asif Kapadianı hamını aldatmaqda günahlandırıb.

Sənədli filmin hazırlıq dövründə də qızı ilə olan münasibətləri olduğu kimi ekranlara gətirən sənədli filmin yayımlanmasına mane olmaq üçün çox cəhd edən Miç Uaynhaus şəxsi Tvitter hesabından açıqlama verərək filmin Oskar almasının onun filmə münasibətini dəyişdirmədiyini yazıb.

"Həmişə qızımla fəxr edirəm. "Emi" Oskar almasaydı belə. Filmin Oskar alması ona münasibətimi dəyişdirmir. Sadəcə, Asif Kapadia... Asif. O, hamını aldadır".

Xatırladaq ki, Miç Uaynhaus qızı reabilitasiya mərkəzində yatarkən onun yanına çəkiliş qrupuyla gedib və onu pərəstişkarları ilə danışmağa məcbur edərək çəkib. Rejissorun bu görüntünü sənədli filmə salması isə atanın etirazlarına səbəb olub.