Axar.az
Yuxarı

Nazir xalq şairindən danışdı – Gecə

Ana səhifə Kult
12 Punto 14 Punto 16 Punto 18 Punto

Heydər Əliyev Sarayında Mədəniyyət və Turizm Nazirliyi və Azərbaycan Aşıqlar Birliyinin (AAB) birgə təşkilatçılığı ilə xalq şairi Zəlimxan Yaqubun xatirəsinə həsr edilmiş "Zəlimxan özü var xatirələrdə" mövzusunda ədəbi-bədii gecə keçirilib.

Axar.az xəbər verir ki, tədbir iştirakçıları əvvəlcə xalq şairi Zəlimxan Yaqubun kitablarından ibarət sərgi ilə tanış olublar. Tədbirdə Mədəniyyət və Turizm naziri Əbülfəs Qarayev şairin yaradıcılığından söhbət açıb:

"Zəlimxan Yaqub öz yaradıcılığı ilə Azərbaycan dilinin və bədii fikrimizin zənginləşməsində mühüm rol oynayıb. Şair xalq yaradıcılığından məharətlə bəhrələnərək müasirlərimizin yüksək insani keyfiyyətlərini, ümumbəşəri və milli dəyərləri, tariximizin taleyüklü anlarını özündə əks etdirən əsərlər yaradıb. Şairin rəngarəng mövzulu və dolğun məzmunlu şeirləri poeziyamızın inciləri səviyyəsinə qalxaraq gələcək nəsillər üçün örnək olub. O, ilk qələm təcrübəsindən ömrünün sonunadək nə yazıbsa, xalq tərəfindən bəyənilib. Onun poeziyası insanlara yaşamaq eşqi, dünyaya, həyata sevgi bəxş edib. Hər zaman xalqının yanında olmağı bacaran şairə olan millət sevgisi də tükənməz olub. Məhz bu sevginin göstəricisidir ki, ədib müstəqil Azərbaycanın bir çox fəxri adlarına layiq görülüb, iki çağırış Azərbaycanın Milli Məclisinin deputatı seçilib. Zəlimxan Yaqub, eyni zamanda, türk dünyasının böyük şairidir və türk dünyasının hər yerində sevilir. O, bir çox xarici ölkələrdə keçirilən ədəbi məclislərdə Azərbaycan ədəbiyyatını ləyaqətlə təbliğ edirdi. Görkəmli sənətkarın Azərbaycan Aşıqlar Birliyinin sədri kimi aşıq sənətinin inkişafında da çox böyük töhfələri olub".

Gecədə ədibin sağlığında çəkilmiş sənədli filmlərdən fraqmentlər nümayiş etdirilib, qiraət ustaları şairin şeirlərindən və poemalarından parçalar söyləyiblər. Aşıqların, incəsənət ustalarının ifasında şairin sözləri və sözlərinə yazılmış mahnılar səsləndirilib.

Tarix
2016.03.04 / 14:49
Müəllif
Nilufər Muğantürk
Şərhlər
Digər xəbərlər

Son 6 ayda koronanın əlimizdən aldığı məşhurlar

Dekan və rektorun yazdığı dərs vəsaiti dərc edildi

Səyyad Əlizadənin vəziyyəti yaxşılaşır?

Bu xalq artistlərinə pul payladım - Qorxmaz Əlili

Ermənilərin Şuşaya ilk hücumu nə vaxt olub?

Gevorkov Heydər Əliyevə pıçıltı ilə bunu deyəndə…

65 yaşlı uşaq öldü, Təbrizin bir səsi də batdı... - Video

Yaqub Zurufçu dəfn edildi

Xalq artistinə həsr olunmuş film nümayiş ediləcək

Zurufçu Rəmişin yanında dəfn olunacaq

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla