Mayın 19-da helikopter qəzasında həyatını itirən Təbrizin cümə imamı Məhəmməd Əli Al-Haşimin Azərbaycanın ustad şairi Məhəmmədhüseyn Şəhriyarın “Heydərbabaya salam” şeirini oxumasını əks etdirən videosu yayılıb.

Kult.az xəbər verir ki, bu barədə Təbrizin sosial media kanallarında paylaşımlar edilib.

Qeyd edək ki, Məhəmməd Əli Məhəmmədtağı oğlu Al-Haşim 1962-cı ildə Təbrizdə anadan olub. O, ibtidai və orta təhsilini Təbrizdə tamamladıqdan sonra Qum şəhərinə gedərək, orada 14 il dini təhsil alıb. Al-Haşim hakimiyyətdə təmsil edilsə də, təbrizlilər başqa mollalardan fərqli olaraq ona qarşı nifrət bəsləməyiblər.