Məşhur türk müğənni və rejissoru Mahsun Qırmızıgülün bir neçə gün əvvəl Ankarada törədilmiş terror hadisəsinə heç bir reaksiya göstərməməsi pərəstişkarlarının etirazına səbəb olub.

Axar.az xəbər verir ki, sosial şəbəkədə terrorla bağlı hər hansı bir addım atmayan müğənninin bu susqunluğu izləyicilərini hiddətləndirib.

İzləyiciləri daha əvvəl Baş nazir Əhməd Davudoğlunu tənqid edən və ona "zalım" deyən müğənniyə "Məsələ mülkü vətəndaşlara gələndə lal oldun", - şərhi yazıb.

Qeyd edək ki, martın 13-ü Ankaranın Qızılay meydanında baş verən terakt nəticəsində 37 nəfər ölüb, 125 nəfər isə yaralanıb.