Bu xəncər hazırda Türkiyədə Topqapı muzeyində saxlanılır. Osmanlı sultanı İ Mahmud tərəfindən Nadir şah Əfşara hədiyyə edilməsi üçün xüsusi sifarişlə hazırlanıb. Üç yaşıl zümrüd və 53 birliyant daşlardan olan bu xəncərin hazırda 500 min dollardan çox qiyməti var. Bu qiymətli daşlar xüsusi seçilib və Sultan tərəfindən diqqətlə yoxlanılıb.

Kult.az xəbər verir ki, bu barədə məlumatı tarixçi alim Zaur Əliyev paylaşıb.

“1747-ci ildə bu xəncəri Nadir şaha göndərməzdən öncə Sultana xəbər gəlir ki, Şah sui-qəsd nəticəsində öldürülüb. Xəncər Osmanlı sarayına geri qaytarılır. Bu günə qədər də muzeydə saxlanılır.

Dünyanın ən nadir zərgərlik məhsulu hesab edilir. Xəncərin hazırlanmasında Osmanlı dövlətinin ən peşəkar zərgərləri çalışıblar”, - alim bildirib.