Mənə heç bir rəsmi müraciət edilməyib. Ona görə bu suala cavab vermək istəmirəm.

Bu sözləri Kult.az-a xalq artisti Cahangir Novruzov Milli Məclisdə onun ölkəyə qaytarılması ilə bağlı səsləndirilən təklifə münasibət bildirərkən deyib.

“Bu, bir rəsmi işdir, dövlət işidir, mənim buradan qalxıb ora getməyim var. 30 ildir buradayam. Heç bir şeydən xəbərim yoxdur. Bu danışılmalıdır, mənə söylənməlidir. Hər şey qərarlaşdıqdan sonra gəlib-gəlməməklə bağlı açıqlama verərəm”, - o bildirib.

Qeyd edək ki, bu gün MM-in iclasında millət vəkili Səyyad Aran Cahangir Novruzovun ölkəyə dəvət edilməsi təşəbbüsü ilə çıxış edib.

C.Novruzov hazırda Türkiyədə fəaliyyət göstərir.