Xalq artisti Alim Qasımov Muğam Festivalının Təbrizdə keçirilməsinə dəstək verdiyini bildirib.

Kult.az xəbər verir ki, o, bu barədə videomüraciət yayıb.

Qasımov Təbriz Milli Muğam Musiqisi Festivalına uğurlar və davamlılıq arzulayaraq, bu mədəniyyət festivalının təşkilatçılarına minnətdarlığını bildirib.

O, həmçinin Azərbaycan xalq və klassik musiqisinin təbliğində mədəni tədbirlərin keçirilməsinin təsirini və əhəmiyyətini vurğulayarıb, yeniyetmə və azyaşlı sənətçilərin bu festivalda iştirakından məmnunluğunu ifadə edib.

Muğam ustası iş qrafikinin çox olması səbəbindən Təbriz Muğam Musiqisi Festivalında iştirak edə bilmədiyini diqqətə çatdırıb və növbəti festivallarda iştirak edəcəyini deyib.

Qeyd edək ki, 12-16 aprel tarixlərində keçirilən beşinci Təbriz Muğam Musiqisi Festivalının bağlanış mərasimi bu gün yerli vaxtla saat 19:00-da Təbrizin Xavəran Kompleksində baş tutacaq.