Bir rolla, obrazla aktyor olmaq mümkün deyil.

Bu sözləri əməkdar artist Əli Nur gənc aktyorlar haqda Axar.az-a danışarkən deyib. O, indiki gənclərin yetərincə istedadlı olmadıqlarını bildirib:

"O vaxt Məleykə xanım Abbaszadəyə təklif etmişdim ki, Mədəniyyət və İncəsənət Universitetinə test üsulu ilə imtahan olmasın. Aktyor təkcə savadlı yox, həm də bacarıqlı, istedadlı olmalıdır. Gərək aktyorun sehrli gözləri, sehrli səsi olsun ki, o, zalda ən arxa sırada oturan adamları belə özünə cəlb edə bilsin. Aktyor hər rola girməlidir. İndiki gənclər bir rolu oynayırlar, özlərinə aktyor deyirlər. Bir az tənbəldirlər, öz üzərilərində işləmirlər".