Məşhur türk müğənni İbrahim Tatlısəs həmkarı İzzət Yıldızhanı sosial şəbəkədə tənqid edib.

Axar.az Türkiyə mətbuatına istinadən xəbər verir ki, müğənni təhqir məzmunlu paylaşımında kimi nəzərdə tutduğunu qeyd etməyib:

"Bəzən şəxsiyyətsiz insanları xırda pul kimi xərcləmək lazımdır ki, o, şəxsiyyətsiz olduğunun fərqinə varsın. Həmin o insanlar kim olduqlarını çox yaxşı bilirlər, ad çəkməyə ehtiyac yoxdur".

Türk mediası bu sözlərin birbaşa İzzət Yıldızhana ünvanlandığını iddia edib.

Qeyd edək ki, İzzət Yıldızhan bir müddət əvvəl İbrahim Tatlısəsin bir daha mahnı oxumayacağını deyib. Bundan sonra mətbuata açıqlama verən Tatlısəs iddianı sərt bir şəkildə təkzib edib.