Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 İyun 2018


Əmir Teymurun heyran qaldığı azərbaycanlı kim idi?

Ana səhifə Reportaj
12 Punto 14 Punto 16 Punto 18 Punto

Səfəviyyə təriqəti və Səfəvilər sülaləsinin banisi Şeyx Səfiəddinin ölümündən sonra onun yerinə oğlu Şeyx Sədrəddin Musa keçdi. Onun vəfatından sonra isə mürşidlik vəzifəsini Xoca Əli üzərinə götürdü.

Kult.az xəbər verir ki, bu barədə tarixçi Namiq Musalının, müəllifi naməlum qalan “Tarix-i Aləmarayi Şah İsmayıl” əsəri əsasında yazdığı “Şah İsmayılın hakimiyyəti” kitabında bəhs olunub. O, kitabında bütün dövrlərin ən qüdrətli hökmdarlarından olan Əmir Teymurun Səfəvilər sülaləsinin nümayəndəsi Xoca Əliyə olan hörməti və onların görüşü ilə bağlı bəzi faktları açıqlayıb:

“Sultan Xoca Əli elə bir səviyyəyə çatmışdı ki, dindarlıqda və dürüstlükdə, riyazi və ilahi elmləri bilməkdə dünyanın ən qabaqcıl adamı olmuşdu. Onun zamanında çoxlu müridlər yetişmişdi. Adamlar ondan neçə-neçə möcüzələr və kamilliklər müşahidə etmişdilər və onun sadiq müridlərinə çevrilmişdilər.

Xoca Əlinin Əmir Teymurla yaxşı münasibəti olub və onlar üç dəfə (Ceyhun çayı kənarında, Dizfulda və Ərdəbildə) görüşüblər. Onun zamanında təriqətin şöhrəti o qədər artmışdı ki, ariflərə və şeyxlərə ehtiramı ilə seçilən Əmir Teymur “Rum qeysəri” üzərindəki qələbədən (1402-ci ildə Əmir Teymurla Osmanlı sultanı İldırım Bəyazid arasında baş vermiş Ankara vuruşması nəzərdə tutulur - N.M.) sonra Anadoludan qayıdarkən Ərdəbildə Xoca Əli ilə görüşüb, burada “Həzrət Şeyx Səfi övladına və onun astanasına vəqf olaraq” torpaqlar bağışlayıb. Onun fərmanına əsasən, Ərdəbildəki Səfəviyyə xanəgahı müqəddəs yer elan edilmişdi.

Teymur həmçinin şeyxin xahişi ilə Anadoludan gətirdiyi minlərlə əsiri azad etmişdi. Azadlığa çıxanların hamısı Şeyx Səfi ocağının müridlərinə çevrildi, bir qismi Sultan Xoca Əlinin xidmətində qaldı, qalanları isə öz vətənlərinə getdilər”.

Xoca Əlinin kəramətləri və söhbətləri Əmir Teymurda dərin iz buraxmışdı. Öz mürşidliyi dövründə (1392-1429) təriqəti xeyli gücləndirən Xoca Əli ömrünün sonlarında oğlu ilə birlikdə həcc ziyarətinə gedib, geri qayıdarkən Qüdsdə vəfat edib və orada dəfn olunub.

Tarix
2018.06.11 / 07:00
Müəllif
Aqşin Evrən
Şərhlər
Загрузка...
Digər xəbərlər

Adamlar panikaya düşməsin deyə bunu gizlədirik - Reportaj

Xalq artisti ailəsi ilə bağlı dəhşətli faktları açdı - Müsahibə

Guya Tağıyev babamı inandırıb ki... - Nağıyevin nəvəsi

Fili özündən çıxaran rus qadını və Bakıya gətirilən çaylar - Foto

AXC Türkiyə üçün nümunə oldu – Foto

Yayda Azərbaycanda harada dincəlmək olar?

Son çəkiliş: Speys TV bu verilişi niyə yayımdan qaldırdı? - Video

Prezident belə məsləhət gördü ki... - Rasizadə nələr danışdı?

Atam əsirlikdə olanda Rəsulzadə ilə görüşüb - İlham Rəhimov

Şevçenko: Bu sözümə görə azərbaycanlılar inciməsin

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla