Ana səhifə Reportaj |
Sosial şəbəkələrdə və bəzi saytlarda “Tarix dərsliyində Qarabağın adı “Artsax” olaraq yazıldı” başlığı ilə yanlış xəbər yayılıb.
Kult.az xəbər verir ki, AMEA-nın Tarix İnstitutunun direktoru, akademik Yaqub Mahmudov “ATV Xəbər”ə açıqlamasında dərslikdə “Artsax” deyil, Arsak (Ərsak) yazıldığını bildirib.
Qeyd edək ki, nəşrdə Arsakın (Ərsak) izahı da verilib: “Maraqlıdır ki, Qafqazda ilk xristian məbədi Qarabağda – qədim türk tayfası olan sakların toplu halda yaşadığı Ərsakda (Arsak) yaradılmışdır. Hazırda xristian məbədlərimiz erməni işğalı altındadır. Ermənilər bu məbədlərin üzərindəki kitabələri saxtalaşdırıb dünyaya erməni abidəsi kimi təqdim edirlər. Ərsak (Ər sak) – erkən orta əsrlərdə Qarabağın dağlıq hissəsi Sak Ərinin – igidinin adı ilə bağlı belə adlanırdı. Erməni işğalçıları qədim Azərbaycan torpağı olan Qarabağın dağlıq ərazilərinə sahib çıxmaq üçün Ərsak adını saxtalaşdırıb “Artsax” kimi təqdim edirlər”.
Qeyd edək ki, ermənilər Qarabağın adını “dəyişməyə” cəhd göstərib, guya “Artsax” etməklə özününküləşdirmək istəyirlər. Halbuki Arsak adının qədim türk adı olduğu illərdir təsdiqlənmiş faktdır.
Tarix
2020.09.16 / 23:09
|
Müəllif
Kult.az
|