Yuxarı

Eni 30 metr olan çaya 1400 metrlik körpü...

Ana səhifə Reportaj
12 Punto 14 Punto 16 Punto 18 Punto

Türkiyənin Ədirnə bölgəsində Ərgənə çayı üzərində salınan tarixi Uzun körpü uzun müddət dünyanın ən anlaşılmaz tarixi tikililərindən hesab edilirdi. Belə ki, uzunluğu 1400 metr olan körpü eni 30 metr olan Ergene çayı üzərində salınıb. Körpünün uzunluğu ilə çayın eni arasında fərqin bu qədər çox olması körpünü Osmanlı memarlığının ən uğursuz tikilisi kimi tanınmasına gətirib çıxarıb.

Kult.az xəbər verir ki, Uzun körpü 1426-1443 illərdə Osmanlı Sultanı II Muradın əmri ilə dövrün baş memarı Müslihiddin əfəndi tərəfindən tikilib.

Körpünün tikintisində baş memar Muslihiddin ilə bərabər memar Məhməd Əfəndi də çalışıb.

Körpü Osmanlının Balkan yarımadasına təşkil edəcəyi hərbi yürüşlər üçün təbii maneə təşkil edən Ərgənə çayını rahatlıqla keçmək üçün tikilib. Bundan öncə tikilən taxta körpülərin çayın sürətli axınına tab gətirməyib, dağılması səbəbi ilə körpü daşdan hazırlanıb.

Uzun körpünün bir xüsusiyyəti də Osmanlı dövründə Anadolu ilə Balkan yarımadasını bir-birinə bağlayan tək körpü olmasıdır. Körpünün dəqiq uzunluğu 1.392 metr, eni isə 6,80 metrdir. Körpünün 174 kəməri var. Kəmərlərdən bəziləri sivri, bəziləri isə oval formasındadır. Bundan başqa körpünün ayaqlarında selyaranlar var. Daş sütunlar üzərində fil, aslan, quş fiqurlarının təsvir edilməsi körpünün estetik xüsusiyətlərini göz önünə sərir.

Körpünün bu qədər uzun olmasının sirri isə ötən əsrdə Ərgənə çayının daşması ilə açıldı. Belə ki, Ərgənə çayının uzun illər sonra daşması nəticəsində çayın eni 30 metrdən 1250 metrə qədər genişləndi. Sonrakı illərdə peyk və havadan çəkilən görüntülər də çayın yatağının əslində daha geniş olduğu, körpünün də məhz Osmanlı dövründə çayın tez-tez daşması ilə əlaqədar uzun tikildiyini üzə çıxardı.

Beləliklə, illərlə Osmanlı memarlığının ən uğursuz əsəri hesab edilən Uzun körpünün əslində memarlığın şah əsərlərindən olduğu müəyyənləşdi.

Tarix
2021.09.03 / 08:00
Müəllif
Turan Rzayev
Şərhlər
Digər xəbərlər

Alp Ər Tunqa ilə bağlı Azərbaycan yurdu

Zaur, Xoşqədəm və Elgiz həkimləri neçəyə reklam edir?

Xuduoğlu Hindistanda: çimərlikdə “gecə həyatı” - Video

Çöhrəqanlı: İranda ərəblər, bəluclar təşkilatlanıb, biz isə...

Bakının Yeni il görüntüləri - Fotolar

İranda aksiyalar çevrilişlə nəticələnə bilər - Mahmudi

Tadevosyanın filmi və Anar Kərimovun işdən çıxması...

Bu şəhərlərimiz məhv ola bilər – hər il 12 sm çökür…

İranda 43 ildə ilk dəfə baş verənlər... - Sulduzlu

Xankəndi yolunda son durum: İynə atsan, yerə düşməz...

KULT
<>
Xəbər xətti
  
  
  
  
Axar.az'da reklam Bağla
Reklam
Bize yazin Bağla