Yuxarı

Nəsibə xanım ermənilərdən necə xilas olub?

Ana səhifə Reportaj
12 Punto 14 Punto 16 Punto 18 Punto

Bu gün ölməz aktrisamız, xalq artisti Nəsibə xanım Zeynalovanın 103 yaşı tamam olur.

Kult.az xatırladır ki, Nəsibə xanım 1916-cı il aprelin 20-də Bakıda anadan olub. Atası Kərbəlayı Cahangir tanınmış tacir və aktyor idi. Azərbaycan milli realist aktyor məktəbinin banisi sayılan Cahangir Zeynalov ilk və yeganə övladı olanda arzu edib ki, qızı onun sənətini davam etdirsin. Ancaq bunu görmək ona nəsib olmayıb.

1918-ci ilin martında erməni daşnakları Bakıda kütləvi qırğınlar törədəndə atası Cahangir Zeynalov ailəsi ilə İrana yollanıb. Sentyabrda Bakıya qayıdanda gəmidə yatalaq xəstəliyinə tutulan Cahangir Zeynalov qısa müddətdən sonra rəhmətə gedib. Onda balaca Nəsibənin iki yaşı var idi. Böyüdükdən sonra o, atasının arzusunu inamla həqiqətə çevirib. Nəsibə Zeynalova Azərbaycan realist aktyor məktəbinin ən layiqli nümayəndələrindən biri kimi formalaşıb və şöhrət qazanıb.

O, 1932-ci ildə Rza Təhmasibin dram dərnəyinə üzv olub. 1937-ci ildə Bakıda mövsümi (aprel ayından oktyabr ayına kimi) fəaliyyət göstərən səyyar Kolxoz və Sovxoz Teatrında aktrisa işləməyə başlayıb. Bir il burada aktrisalıq edən Nəsibə xanım 4 aprel 1938-ci ildə yeni yaranan Azərbaycan Dövlət Musiqili Komediya Teatrının truppasına birinci dərəcəli aktrisa seçilib.

O, Azərbaycan klassik operettalarının tamaşalarında Gülpəri, Cahan xala, Sənəm ("Ər və arvad", "Arşın mal alan" və "Məşədi İbad", Üzeyir bəy Hacıbəyov), Mələk xanım və Kələk xanım ("Əlli yaşında cavan", Zülfüqar bəy Hacıbəyov) kimi xarakterik səhnə obrazlarında çıxış edib.

Kinematoqrafiyamızın ən çox sevilən filmlərində rol alan Nəsibə xanım Züleyxa ("Ulduz"), Cənnət xala ("Qayınana"), Fatmanisə ("Ögey ana"), Telli ("Böyük dayaq"), Əsli xala ("Bəyin oğurlanması") kimi unudulmaz obrazlar canlandırıb.

Qeyd edək ki, Azərbaycan SSR Dövlət mükafatı laureatı Nəsibə Zeynalova 10 mart 2004-cü ildə Bakıda vəfat edib.

Tarix
2019.04.20 / 12:04
Müəllif
Aqşin Evrən
Şərhlər
Digər xəbərlər

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

Bu gün İlaxır çərşənbə qeyd olunur

Hikmət Hacıyev Çin rəsmiləri ilə görüşdü

Azərbaycan-İraq əlaqələri müzakirə olundu

Əliyev niyə Putinə təbrik zəngi etdi? – “Unudanların” diqqətinə

Ceyhun Bayramov Türkiyə xalqını təbrik etdi

Şeytan yuvası yerlə-yeksan edildi - Prezident

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla