Yazdıqlarımın azərbaycanlılarla heç bir əlaqəsi yoxdur.

Kult.az xəbər verir ki, bu sözləri türkiyəli aktrisa Özgə Borak şəxsi İnstaqram hesabında yazıb. Aktrisa azərbaycanlı iş adamının ona 1 milyon dollarlıq əxlaqsız təklif etməsi barədə paylaşımına görə həmyerlilərimizin tənqidinə məruz qaldığını bildirib:

“Hörmətli Azərbaycan vətəndaşları, sizlərdən o qədər çox mesaj gəldi ki, izahat verməyə ehtiyac duydum. Hadisənin sizinlə heç bir əlaqəsi yoxdur. Yazılana da inanmamışam. Kim olduğunun, hardan olduğunun, yazılanın nə dərəcədə həqiqi olmasının da heç bir önəmi yoxdur. Bu səbəbdən də adını açıqlamadım. Etdiyi zarafat belə olsa, yazılması doğru deyil. Buna görə də həmin şəxsi “həddini bilməz” adlandırıram. Bu məsələni bütün azərbaycanlıların adına ümumiləşdirmək ən böyük xətadır. Mən, sadəcə, aramızda belə insanların olmasına təəssüflənirəm”.

Qeyd edək ki, türkiyəli aktrisa Özgə Borak sosial şəbəkə hesabında özünü azərbaycanlı iş adamı kimi təqdim edən şəxsin ona 1 milyon dollarlıq əxlaqsız təklif etdiyini yazıb. Onun bu paylaşımı azərbaycanlılar tərəfindən birmənalı qarşılanmayıb. Bir çox sosial şəbəkə istifadəçisi profilin saxta olduğunu, həmin təklifi edən şəxsin kimliyinin şübhə doğurduğunu yazıb.