Türkiyədə izləmə rekordu qıran 14 dəqiqə 55 saniyəlik "Susamam" repinin "küçə" hissəsini səsləndirən repçi Mirac sosial media hesabında paylaşdığı mesajla diqqət çəkib.

Kult.az xəbər verir ki, repçi Tvitterdə HDP və FETÖ-çuların bu klipi paylaşmasından narahat olduğunu bildirib.

"Repdə iştirak edən və kasıbı, yetimi, qaçqını, küçəni izah edən biri olaraq ekstremist siyasi qrupların, HDP və FETÖ ilə əlaqəli insanların repi paylaşmasından və bundan istifadə etməsindən narahat olduğumu bildirməliyəm", - o yazıb.

Repçi bu mesajına gələn reaksiyalardan sonra "HDP yerinə PKK deməyin daha doğru olacağını düşünürəm. Nəticədə HDP hələ də aktif siyasət yürüdən bir partiyadır", - deyə ikinci tviti atıb.

Daha sonra isə Mirac hər iki tvitini silib.