Oğlu dünyasını dəyişəndən sonra mahnı ifa etməyən, səhnəyə və efirə çıxmaqdan imtina edən sevilən müğənni, əməkdar artist Zöhrə Abdullayevə ilk dəfə səhnəyə çıxıb.

Kult.az xəbər verir ki, bu barədə məlumatı sosial şəbəkədə təhsil eksperti Kamran Əsədov paylaşıb. Belə ki, Z.Abdullayeva dünən Heydər Əliyev Sarayında xalq artisti Könül Xasıyevanın konsertində uzun fasilədən sonra ilk dəfə səhnəyə çıxıb.

Z.Abdullayeva K.Xasıyeva ilə bir yerdə mahnı da ifa edib. Sənətkarın perpormansı böyük alqışla müşayiət olunub.

Xatırladaq ki, 2018-ci ilin 24 may tarixində əməkdar artist Zöhrə Abdullayevanın oğlu uzun sürən beyin xərçəngindən vəfat edib.