Bakıda V Türk Filmləri Həftəsi keçiriləcək.

Musavat.com-un məlumatına görə, tədbir noyabrın 25-dən 29-na kimi Nizami Kino Mərkəzində gerçəkləşdiriləcək.

Tədbir ərəfəsində bir çox türk filmləri pulsuz nümayiş olunacaq. Eyni zamanda tanınmış simalar paytaxtımızın qonağı olacaqlar.

Bakıya gələcək məşhurlar arasında "Yaxşı cazibə" serialında Simgə obrazı ilə tanınan aktrisa Hande Katipoglu, "Qırğın çiçəklər"dəki Kader - Naz Çağla İrmak yer alır.

Eyni zamanda qonaqlar arasında son günlər izlənmə sayına görə birinci sıralarda yer alan "7. Koğuşdakı möcüzə" filmində Ova obrazında çəkilən balaca aktrisa Nisa Sofiya Aksungur də olacaq.