ABŞ-da yaşayan ermənilərin dünən Azərbaycanın Los-Ancelesdəki Baş Konsulluğunun binasını əhatəyə alaraq ölkəmizə qarşı keçirdiyi etiraz aksiyasında müğənni Səbinə Əsgərova da yaralanıb.

Kult.az Publika.az-a istinadən xəbər verir ki, bu barədə Amerikada yaşayan müğənni Səbinə Əsgərova İnstaqram hesabında məlumat yayıb.

"Aqressiv və təxribatçı şüarların səsləndirildiyi aksiyadan paylaşım edən həmyerlimiz "Əlli nəfər biz, beş min onlar. Özləri kimi ikinci şərəfsiz millət yoxdur. Uşaqların telefonlarını da oğurladılar. Buzlu su olan butulkalar gətirmişdilər, başımıza atırdılar, əclaflar. Düzü, polis onlara bizi blokadaya almağa şərait yaratdı. Bəzilərinin üstündə silah da var idi. Buzlu butulkanın biri başıma dəydi. Şükür ölüm, yaxud polisə düşən yoxdur", - sözlərini yazıb.