"Zimbabvedə bir neçə uşağın məsuliyyətini öz üzərimə götürmüşəm. Bir xarici ölkə səfiri olan xanımla söhbət edərkən bu uşaqlardan danışdı. Mən də dedim ki, özüm bu uşaqların bütün maddi tələbatlarını ödəyəcəyəm".

Bu sözləri xalq atristi İlhamə Quliyeva Niel şadlıq sarayında baş tutan klip təqdimatından öncə media nümayəndələri ilə söhbət edərkən deyib.

"Mənim dilimdə ancaq bir söz var: Azərbaycan! Mən sizi inandırım ki, Birinci Avropa Oyunları ilə bütün dünya Azərbaycanın gücünü görəcək. Mən həmişə demişəm ki, cənab prezidentimiz birincilərin birincisidir. Ayın 7-i məşəli şəhərin mərkəzində gəzdirəcəm. Düzdür, adətə görə məşəli qaçaraq daşımaq lazımdır, amma mənim statusum buna yol vermədiyinə görə, onu yürüyərək daşıyacam. Kim nə fitnə törətsə, onu bu məşəllə yandıracağam. Amma bu insanlar, əslində, müqəddəs məşəllə yanmağa layiq deyillər".