10:50

Sosial şəbəkələrdə yayılan və şou-biznes nümayəndələrinin karantin qaydalarını pozmasını əks etdirən görüntülərlə bağlı Daxili İşlər Nazirliyi araşdırma aparır.

Bu barədə Kult.az-ın sorğusuna cavab olaraq Daxili İşlər Nazirliyinin Mətbuat xidmətinin rəisi, polis polkovniki Ehsan Zahidov deyib.

Qeyd edək ki, sözügedən görüntülərdə restoranların birində 8 Mart - Beynəlxalq Qadınlar Günü münasibəti ilə təşkil edilən məclisdə şou-biznes nümayəndələrinin karantin davranış qaydalarını pozması əks olunub. Məclisdə xalq artistləri Aygün Kazımova, Brilyant Dadaşova, rəqqasə Rəna Ağamuradova (Renka), stilist-vizajist Nigar İbrahimova, Samir Əliyev (Samiraldo), Cahad Hacıyev və digər məşhurlar iştirak edib.