Əfsanəvi rus xor qrupu "Qırmızı Ordu"nun İstanbulda konserti baş tutub.

Axar.az türk mətbuatına istinadən xəbər verir ki, konsert İstiqlal marşı ilə açıq elan olunub, daha sonra Barış Mançonun, Tarkanın repertuarından mahnılar səsləndirilib. Qrupun ifası türk tamaşaçılar tərəfindən böyük maraqla qarşılanıb.

"Qırmızı Ordu" qrupu bu ölkəyə Rusiya-Türkiyə diplomatik əlaqələrinin 95-ci ili münasibətilə gəlib.

Qeyd edək ki, Mustafa Kamal Atatürkün SSRİ rəhbərliyinə göndərdiyi məktuba SSRİ Xarici İşlər naziri Çiçerinin 3 iyun 1920-ci ildə razılıq məktubu yazması ilə birlikdə bu tarix iki ölkə arasında diplomatik əlaqələrin qurulduğu gün kimi qeyd edilir.