Ötən gün "Avroviziya" mahnı müsabiqəsinin açılış mərasimi baş tutub.

Kult.az Musavat.com-a istinadən xəbər verir ki, Rotterdamda keçirilən tədbirə 39 ölkədən 34 iştirakçı qatılıb. Onlar qırmızı xalıdan keçərək jurnalistlərin suallarına cavab veriblər.

Mərasimdə Azərbaycanı təmsil edən Samirə Əfəndi də iştirak edib. Onun saçı və makiyajını məşhur stilist Anar Ağakişiyev edib. İfaçı Rüfət İsmayılın kolleksiyasından olan çəhrayı libas geyinib.

Qeyd edək ki, yarımfinal mayın 18 və 20-də, final isə 22-də keçiriləcək. Samirə Əfəndi ölkəmizi "Mata Hari" mahnısı ilə təmsil edəcək. Təmsilçimiz birinci yarımfinalda səhnəyə çıxacaq.