Şairə Nazilə Səfərli uzun illərdir xəstə yatan meyxanaçı Ağakərimə baş çəkməyə getsə də, üzünə qapı açan olmayıb.

Kult.az xəbər verir ki, bu barədə şairə sosial şəbəkə hesabında video paylaşıb.

"İşıqları yanır. Onu ziyarət etməyə getmişdim. İnsanlar evdədir, amma xəstə ziyarətini qəbul etmirlər. Burdan aydın olur ki, ya Ağakərimə layiqli diqqət ayrılmır, yatağı, yorğanı yerində deyil, bu səbəbdən qapını aça bilmirlər, ya da bu ailənin üzvləri dərk eləmir ki, bu evdə kim yaşayır. Mən Kərimlə ömründə bir dəfə də çörək kəsməmişəm, amma elimin sənətkarıdır deyə ona baş çəkməyə, qapısına gedirəm. Belə edirsiniz ki, xəstəniz əziyyət çəkir", - deyə o qeyd edib.