Plagiat iddiaları tamamilə əsassızdır.

Bu sözləri xalq artisti Brilyant Dadaşova yeni təqdim etdiyi "Bu dünya belədir" mahnısının plagiat olması iddiaları haqda Axar.az-a danışarkən deyib:

"Bu mahnının musiqisi başqadır. Sadəcə, Şopenin əsərini mahnının bir hissəsinə əlavə etmişik. Çünki bu mahnıda sevgi xətti keçir, mahnı məhəbbətə aiddir. Ona görə də mahnıda Şopendən yararlanmışıq. Mahnı da, musiqisi də yenidir. Dünən təqdim etmişik. Mahnını əməkdar artist Eldar Məmmədov aranjiman eləyib.

Bu əsər "Təhminə" filmində də gedib, bundan əlavə, "Aşk-ı Məmnu" serialında da Nihal bu əsəri ifa edib. Onda deyək ki, o filmlər də plagiatdır? Bunu heç kim deyə bilməz! "Təhminə" filmini yad etmək üçün Şopenin o mahnısını "intro"muza daxil etdik".

Xatırladaq ki, xalq artisti Brilyant Dadaşova yeni təqdim etdiyi "Bu dünya belədir" mahnısına görə pərəstişkarları tərəfindən plagiat iddiaları ilə üzləşib.