Köhnə dəyərlərimizi unutmaq olmaz.

Bu sözləri Axar.az-a gənc müğənni Aytac Vidadiqızı deyib.

Gənc sənətçi unudulmaqda olan xalq mahnılarını ifa etməsindən söz açıb. O, həmkarlarına çağırış edib: "İndi 2-3 aylıq mahnılar ifa edirlər. Yay qurtardısa, mahnı da yaddan çıxır, unudulur.

Amma elə mahnılarımız var ki, sadəcə, möhtəşəmdir. Təəssüf ki, belə mahnıların əksəriyyəti unudulur. Məhz bu səbəbdən unudulmaqda olan xalq mahnılarımızı aranjiman edib, yenidən ifa etmişəm".

Onun sözlərinə görə, əksər müğənnilər ağlasığmaz pullar xərcləyib, yeni mahnılar alır: "Bunun əleyhinə deyiləm. Əksinə, müğənni yeni mahnı ifa etməli, klip çəkdirməlidir. Ötən il 5 klip çəkdirdim.

Amma Azərbaycanın elə gözəl əsərləri var ki, onlar unudulmamalı, gənc nəslə də çatdırılmalıdır. Çox istəyərdim ki, bu işə bütün gənc həmkarlarım da qoşulsun".