Mən əvvəlcə onun istedadını hiss etməliyəm.

Bu sözləri tanınmış prodüser Təranə Səmədova müğənnilərlə işbirliyi qurması qaydaları haqda Axar.az-a danışarkən deyib. O, müğənnilərdə ilk növbədə səsə önəm verdiyini bildirib:

"Prodüser kimi fəaliyyətimi davam etdirirəm. İki-üç aydan çoxdur ki, İradə Mehri adlı gənc sənətçi ilə işləyirəm. Maşallah, işbirliyimiz hələ ki, uğurlu keçir. İradə xanım məni qane edir, çünki işgüzardır. Mənim üçün ən önəmli odur ki, işbirliyi qurduğum sənətçinin səsi olsun. Daha sonra o, səhnəyə yaraşmalıdır, məsuliyyətli olmalıdır".