Heç kimlə küsülü qalmaq istəmirəm.

Axar.az xəbər verir ki, bu sözləri müğənni Nadir Qafarzadə xalq artisti Flora Kərimova ilə münasibətləri haqda rəsmi İnstaqram səhifəsində yazıb. O, xalq artisti ilə barışdığını bildirib:

"Bu gün xeyir işdə Flora xanımı gördüm. Aramızda inciklik olsa da, yaxınlaşıb görüşməyi özümə borc bildim. Elə də etdim, mən onu sevirəm. Yaşa dolduqca həyata baxışım dəyişir. Heç kimlə küsülü qalmaq istəmirəm. Qorxuram ki, qəfil dünyadan köçərəm, kimdənsə küsülü gedərəm. Bir-birinizin qədrini bilin, onsuz da dünya fanidir".