Röya ilə işbirliyinə son qoymağımız haqda yayılan xəbərlər yanlışdır.

Bu sözləri əməkdar artist Röya Ayxanın prodüseri Kənan Bayramov müğənni ilə işbirliyinə son qoyması haqda yayılan xəbərlə bağlı Axar.az-a danışarkən deyib. O, məlumatın həqiqəti əks etdirmədiyini bildirib:

"Vallah, yalan xəbərdir. Biz uzun illərdir birlikdə işləyirik, bir dəfə də olsun dalaşmamışıq, hələ qaldı pula görə dalaşaq. Əgər nə vaxtsa işbirliyimiz bitsə, onsuz da hamının xəbəri olacaq".

Qeyd edək ki, "Ölkə.az" saytında müğənni Röya Ayxanın prodüser Kənan Bayramovla maliyyə problemlərinə görə işbirliyinə son qoyması haqda xəbər yayımlanıb.