İstəmirəm ki, toyumla bağlı xəbər yazılsın və ya yayımlansın.

Axar.az xəbər verir ki, bu sözləri müğənni Elçin Cəfərov rəsmi Feysbuk səhifəsində yazıb. O, toyu ilə bağlı yayılan xəbərlərin ailə üzvlərinə pis təsir etdiyini bildirib:

"Jurnalistlərimizdən və xəbər portallarından xahiş edirəm! Qəti şəkildə toyumla bağlı heç bir yazı yazılmasın və yayımlanmasın. Biz məncə, bütün sualları yetərincə cavablandırmışıq. Sizdən bu haqda heç bir sual soruşmamağı rica edirəm. Çünki yayılan xəbərlər yaxınlarımıza və ailə üzvlərinə də təsir edir. Zamanı gələndə görüb paylaşarsınız".

Qeyd edək ki, müğənni Elçin Cəfərov xalq şairi Sabir Rüstəmxanlının qızı Aydanla nişanlıdır.