"Qardaşım mənim" filmində əsas rol ifaçısı, müğənni Murad Bozla aktrisa Əsli Ənvər nəhayət sevgilərini etiraf edib.

Axar.az xəbər verir ki, həftələrdi suallardan yayınan müğənni və aktrisa İnstaqram sosial şəbəkəsindən birlikdə çəkdirdikləri eyni fotonu paylaşmaqla sevgi yaşadıqlarını etiraf etmiş olublar.

"Qardaşım mənim" filminin Berlin, Amsterdam, Bursa kimi bir neçə şəhərdə keçirilən təqdimatlarında iştirak etmək üçün birlikdə səyahət edən cütlüyün elə səyahət zamanı yaxınlaşdığı və münasibətə başladığı iddia edilir. Birkan Sokullu ilə üç il evlilik həyatı yaşayan Əsli Ənvər keçən il avqustun 28-də boşanıb.

Xatırladaq ki, fevralın 10-da "Qardaşım mənim" filminin Bakıda keçirilən təqdimat mərasimində iştirak edən Əsli Ənvər jurnalistlərin bu mövzudakı suallarını cavabsız qoymuşdu.