Heç kəsi keçməyə çalışmamışam.

Bu sözləri aktyor Fərda Xudaverdiyev müğənnilik etməsi haqda Axar.az-a danışarkən deyib. O, bu işdə iddialı olmadığını bildirib:

"Mahnı oxuyuram. İllər əvvəl bir neçə mahnı ifa etmişəm. Hətta onların birinin klipi də var. Düşünürəm ki, aktyor tamaşaçıya pozitiv enerji ötürmək üçün belə şeylər edə bilər. Əlbəttə ki, peşəkar kimi aktyorluqla məşğulam, qeyri-peşəkar olaraq da müğənniliklə. Amma müğənnilikdə kimisə keçmək kimi iddialarım yoxdur".

Qeyd edək ki, Fərda Xudaverdiyev dünən Xəzər TV-də yayımlanan "Rezonans" verilişində mahnı oxuyub.