Türkiyəli müğənni Hadisə bir müddət Azərbaycan mətbuatında onun "O səs çocuklar" şousunun növbəti buraxılışında üzərində erməni bayrağı olan geyimlə efirə çıxması barədə gedən yazılara münasibət bildirib.

Oxu.az xəbər verir ki, Hadisə Feysbuk-dakı rəsmi səhifəsində yerləşdirdiyi açıqlamada onu tənqid edənləri cahillikdə ittiham edib.

"Haqqımda yazılan çox ittihamlara qulaq asmıram. Lakin qoy türklüyümə, mədəniyyətimə, mənliyimə qarşı əsassız ittihamlar sürənlər eşitsinlər bu sözləri. Cahillə cahil olmaqdansa susmaq lazımdır. Başqa işiniz yoxdurmu?

Geydiyim geyimi ucu-bucağı olmayan, insanlıqdan kənar, xəstə təxəyyülünüzlə şərh edə bilməzsiniz!! Sosial media kimisə qaralamaq üçün meydan deyil. Hər kəsə sülh və firavanlıq dolu bir həyat və dünya arzulayıram. Sevgilərlə, Hadisə".